Sumarið er komið á Skáni fyrir nokkru síðan. Það byrjar frekar rólega, Hyasintur og krókusar skjóta upp kollinum, síðan færist fjör í leikinn þegar Kirsuberja tréin og Magnólíutréin blómstra. Sumarið er komið þegar Sírenurnar blómstra, þá liggur sæt angan í loftinu og krónublöð kirsuberjatrjánna liggja í göturæsunum. Sumarið er komið þegar göturæsin í Eslöv verða bleik.
Veturinn er að renna sitt skeið hérna á Skáni, -búinn að vera viðvarandi síðan í nóvember. Dagarnir lengjast, og smáfuglarnir verða meira og meira áberandi. Það hefur verið snjóhula uppá hvern dag í febrúar, en tilfinningin er sú að vorið sé handan við hornið. Veturinn hérna er grín á miðað við það sem við eigum að venjast frá Íslandi. En ég er orðinn góðu vanur og vill fara að fá bjarta og heita sólardaga. Þeir koma í mars.
Það er komið haust í Eslöv. Nýlendugarðarnir eru að komast í vetrarbúninginn. Eplin hanga á lauflausum eplatrjánum, og það er sætur ilmur rotnunar í loftinu. Það er ró yfir mannlífinu og bílaumferðin er eins og á Eyrarbakka, – skrítið því hérna búa rúmlega 30 þúsund manns. Ég fór í lopapeysuna og vindjakkann þegar ég fór út áðan, svo hrasaði ég bara um lognið, enda vanur að halla mér upp í norðanáttina. Lífið hérna einkennist af óvæntu baráttuleysi, hérna eru ekki jarðskjálftar, ekki stórsjóir eða norðan hríð. Svo bíður maður bara og spyr sig. Hvað næst? Jú, næst fer ég bara heim í litlu íbúðin við Norregötuna fæ mér kaffi. Morgundagurinn kemur að venju. En nú er nóg sagt.
Nokkrar myndir fráTívolí í Kaupmannahöfn. Frá brautarstöðinni í Eslöv til Aðalbrautarst…
Sumarið er komið á Skáni fyrir nokkru síðan. Það byrjar frekar rólega, Hyasintur og krók…
Frá byrjun september hef ég verið í Stavanger, við byggingarvinnu. Það er mikil úrkoma í …
Sumarið er komið á Skáni fyrir nokkru síðan. Það byrjar frekar rólega, Hyasintur og krók…
Frá byrjun september hef ég verið í Stavanger, við byggingarvinnu. Það er mikil úrkoma í …